Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 21.91 | Dem. 21.94 (English) | >>Dem. 21.97 |
Μάρτυρες
Νικόστρατος Μυρρινούσιος ,Φανίας Ἀφιδναῖος οἴδαμεν Δημοσθένην ,ᾧ μαρτυροῦμεν ,καὶ Μειδίαν τὸν κρινόμενον ὑπὸ Δημοσθένους ,ὅτʼ αὐτῷ Δημοσθένης ἔλαχε τὴν τοῦ κακηγορίου δίκην ,ἑλομένους διαιτητὴν Στράτωνα ,καὶ ἐπεὶ ἧκεν ἡ κυρία τοῦ νόμου ,οὐκ ἀπαντήσαντα Μειδίαν ἐπὶ τὴν δίαιταν ,ἀλλὰ καταλιπόντα .γενομένης δὲ ἐρήμου κατὰ Μειδίου ,ἐπιστάμεθα Μειδίαν πείθοντα τόν τε Στράτωνα τὸν διαιτητὴν καὶ ἡμᾶς ,ὄντας ἐκείνοις τοῖς χρόνοις ἄρχοντας ,ὅπως τὴν δίαιταν αὐτῷ ἀποδιαιτήσομεν ,καὶ διδόντα δραχμὰς πεντήκοντα .καὶ ἐπειδὴ οὐχ ὑπεμείναμεν ,προσαπειλήσαντα ἡμῖν καὶ οὕτως ἀπαλλαγέντα .καὶ διὰ ταύτην τὴν αἰτίαν ἐπιστάμεθα Στράτωνα ὑπὸ Μειδίου καταβραβευθέντα καὶ παρὰ πάντα τὰ δίκαια ἀτιμωθέντα .
21.94
Νόμος
Ἐὰν δέ τινες περὶ συμβολαίων ἰδίων πρὸς ἀλλήλους ἀμφισβητῶσι καὶ βούλωνται διαιτητὴν ἑλέσθαι ὁντινοῦν ,ἐξέστω αὐτοῖς αἱρεῖσθαι ὃν ἂν βούλωνται διαιτητὴν ἑλέσθαι .ἐπειδὰν δʼ ἕλωνται κατὰ κοινόν ,μενέτωσαν ἐν τοῖς ὑπὸ τούτου διαγνωσθεῖσι ,καὶ μηκέτι μεταφερέτωσαν ἀπὸ τούτου ἐφʼ ἕτερον δικαστήριον ταὐτὰ ἐγκλήματα ,ἀλλʼ ἔστω τὰ κριθέντα ὑπὸ τοῦ διαιτητοῦ κύρια .
21.95
Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 21.91 | Dem. 21.94 (English) | >>Dem. 21.97 |